9 C
Baku
29 Noyabr 2020
Mədəniyyət

Qarabağın qapısını açmaq istəyənlərin “Açar”ı: hər azərbaycanlının qəlbi sızlayacaq Read more: https://sputnik.az/culture/20200606/424127080/Qaraban-qapsn-amaq-istynlrin-Aar-hr-azrbaycanlnn-qlbi-szlayacaq.html

“Evin açarı təkcə keçmişdən xatirə yox, həm də “Qapını bağlayıb gəlmişəm” kimi toxtaqlıqdır” – Elşad Elsevər

BAKI, 6 iyun — Sputnik. Qarabağ mövzusunda lentə alınan “Açar” filminin çəkilişləri artıq yekunlaşıb və tizeri (qısa videoxülasə) kinosevərlərə təqdim edilib.

Sputnik Azərbaycan xəbər verir ki, film işğal olunmuş evinin sonuncu yadigarı və nişanəsi olan açarların itməsi ilə evinə qayıtmaqla bağlı son ümidini də itirən Ümid kişinin timsalında, dünyanın harasında yaşamasından asılı olmayaraq, doğma torpağı, evi zorla əlindən alınmış, həyatda yeganə istəyi öz evinə qayıtmaq olan insanın hekayəsidir…

“Epik Prodakşn” və “OB Film”in birgə istehsalı olan “Açar” qısametrajlı bədii filmi dram janrındadır. “Hadisə işğal altında qalmış evin açarının itməsi üzərində qurulub. Ailə bunu böyük faciə kimi qəbul edir, çünki bu açar onların ümididir. Evin açarı təkcə keçmişdən xatirə yox, həm də “Qapını bağlayıb gəlmişəm” kimi toxtaqlıqdır”, – deyə filmin quruluşçu rejissoru Elşad Elsevər bildirib.

Filmin bədii rəhbəri  Yusif Şeyxov, ssenari müəllifi  Elşad Elsevər, quruluşçu operatoru Cavid Delee, quruluşçu rəssamı Arif Niftiyevdir. Ekran əsərində Xalq artisti Qurban İsmayılov, Əməkdar artistlər Rasim Cəfər, Zemfira Əbdülsəmədova, eləcə də Hüseyn İsgəndərov, Arif Kərimov, Rövşən Ağayev, Nəriman Qarayev, Ramiz Abbasov, Behbud Hacıyev, Eldar Cəbrayıl, Reyhan Cəfər, Selin Cəbrayıl, Emin İsgəndərov və başqaları çəkiliblər.

Qaygi.org.az

Related posts

“Həyatda bir Leylim var, ona sadiqəm” – Mənsum İbrahimov

Admin

Xalq artisti: “Gündəmdə qalmaq üçün abırından, mənəviyyatından keçənlər var”

Admin

Doğum günü bayrama çevrilən dahi (FOTOLAR)

Admin

Leave a Comment